बहर!
ओस पडलेल्या शाळांना
आला शिक्षणाचा बहर,
कोमेजल्या साऱ्या वर्गांत
सजला रानफुलांचा मोहर!
कुण्या संसर्गाची चिमुकल्यांस
येथे बाधा न व्हावी,
पुस्तकं, खेळ, उपक्रमांची
पुन्हा सुसंगती घडावी!
पाखरांचा किलबिलाट ऐकता
शाळा सप्तसुरी सजली,
दोन वर्ष ठणकत्या जखमेवर
गोड स्वागताची खपली!
पुरे शिक्षणाची वणवण
सरीता ज्ञानाची वाहू दे,
गुरुशिष्यांची ही वारी
शाळा-पंढरीत विसावू दे!
आयुब शेख, पुणे महानगरपालिका
दिड-दोन वर्षांनंतर सुरू होणारी शाळा आणि बागडणारी मुलं यांविषयी शिक्षकांची भावना शब्दबद्ध करण्याचा छोटासा प्रयास..
No comments:
Post a Comment