Shrikanth!😎
जन्मतःच दृष्टी नसलेल्या मुलाला समाज कचरा समजतो. आयुष्यभराच्या अंधत्वाच्या यातनेतून सुटका म्हणून जमिनीत पुरायला निघालेल्या बापाला आई थोपवते. अन् तोच मुलगा 'अकरावीपासून ब्रेललिपीतून सायन्स' शिक्षणासाठीची कोर्ट केस जिंकून कित्येक visual disable साठी नव्या युगाची नांदी ठरतो.
न्यूटनने गुरुत्वाकर्षणाचा शोध लावण्यापूर्वीही कित्येकांनी सफरचंद जमिनीवर पडताना पाहिलं होतं की, सवाल बघणं किंवा डोळ्यांचा नव्हताच मुळी. महत्वाचं होतं विचार करणं, कारणमीमांसा तपासून पाहणं.
मालविका टिचरने आपल्या या विद्यार्थ्याला दिलेली दिशा, सपोर्ट आणि संधी यांची बरोबरी कशासोबतच होऊ शकत नाही, एखाद्याच्या फाटक्या आयुष्यात इंद्रधनुष्य होण्याचा प्रयत्न शिक्षक किती सुरेख पद्धतीने करू शकतात. 'रवी' नावाचा मित्र विश्वास ठेवतो, साथ देतो, समजून घेतो. अशी परिसासारखी माणसं सोबत असली तरच लोखंडाचं सोनं होतं, हे चित्र काय सुरेख रंगवलंय!
लहानपणी मित्रांसोबत भांडणं झाली तर मार खाण्याऐवजी तू पळून का जात नाहीस? या वडीलांच्या प्रश्नावर दिलेलं समर्पक उत्तर "मैं भाग नहीं सकता, सिर्फ लढ़ सकता हूँ!" आपल्याला जगण्याचा नवीन आयाम प्राप्त करून देतो.
अंधेरोंको कोसने से ज्यादा बेहतर है,
की एक शमा दिलमें जला दी जाये!
ए.पी.जे.अब्दुल कलाम यांनी २५ लाख रुपये स्टार्टअप साठी दिलेला हा shrikanth!
वेळ काढून ' डोळे लख्ख उघडणारा अंध हिरोचा डोळस चित्रपट' नक्की पहा, आपल्या लेकरांनाही दाखवा.
😍
